Picsou dire eski li p rever!!! Zot fine decide pou dormi ensam parski zot ti assez peur mem si la caz la ti amen impé reconfort dan zot. Zot fine reussi mette trois matelas dan ene grand la chambre et zot fine essaye dormi. Tifou ki ti vraima peur dire Scoubidou li pa pou dormi dan noir, laisse la limiere allumer. Zot tou pé prend plaisir ek Tifou. Tifou fine en colère, lerla zot dire zot dacord pou laisse la limiere allumer. Zot tou pé essaye dormi mais zot pa pé capav. Zot assez traumatisé ar sa incident ki fine arrive zot la. Selmen 4 dimoune fine ferme lizié sauf Tifou. Après ene trentaines minutes, Tifou trouve la limiere teigne, Tifou criyé, zot tou lever et zot fine realiser ki pena la limiere, zot fine coumence paniker.

Picsou dir: “courant fine couper sa!”.

Scoubidou dir: “non, ena probleme la!”

Zot pé coumence discuter entre zot.

Tifou dir: “Mo pa pou reste dans sa la caz la, guetter ki zot pou faire. Ene minute mo pas pou rester. Mo pé aller mwa.”

Ti malang risse li, li dir “Guette sa pena person, pa disperser. Nou tou bizin reste ensam.”

La porte pé coumence tapper. “Toc toc! toc toc!” Li tapper doucema et après li coumence tapper plis fort et plis vite. Scoubidou dire ki pé arriver, Ti malang dir surema nous fine blier ferme la porte. Ti malang dir ene entre nou alle ferme la porte. Person pa pé rode aller. A la fin, zot dir anou alle ensam. Tifou dir li pa pou aller, li pou reste la mem, tellema li pé trembler. Fair noir partou, pa pé capav marcher bizin trappe murail pou marcher. Ti malang ena flash light lor so portab, zot fine reussi arrive kot la porte mais la porte pa ouvert. Zot essaye verifier l'imposse, sa si fermer. Tou la porte fermer et tapaz la fine arreter. Li assez bizarre Seki fine arriver! Scoubidou deman Picsou ki li penser lors la. Picsou dir zot pa penser ki nou dans ene la caz hanter. Lezot dir impossible, pena auken vitre casser ici et c'est ene zoli la caz. Mais ene zafair zot tou pa pé compran couma pena person dans ene aussi zoli la caz. Zot tou dir definitivema ena kitchose pas normal.

Picsou dir: “anou sorti depi dan sa la caz la, pa conner ki capav arriver. Si fallais nou dormi dehors”.